Page Loader




Experiencia STEAM en Barcelona!

la foto4Alba Sánchez. En abril estivemos en Barcelona na STEAMConfun encontro que reuniu algúns dos proxectos máis recoñecidos en Europa e Estados Unidos sobre educación STEAM (combinación de ciencia, tecnoloxía, enxeñería, arte e matemáticas) . Puidemos coñecer alí unha serie de estimulantes iniciativas co foco posto na motivación da rapazada, xa que son as experiencias de  traballos por proxectos as que amosan un alumnado máis motivado; tamén máis analítico, crítico e capaz de facer fronte a situacións  imprevisibles da vida real. Ao fin e ao cabo, independentemente do que  os nenos e nenas acaben sendo de maiores, cada traballo ou cargo esixirá  tirar da creatividade para resolver os problemas e retos diarios  ademais de traballar en harmonía co resto de compañeiras/os.

most_likely_to_succeed_film_showing_Oct2015O  xoves, a escola High Tech High de San Diego amosounos a súa experiencia  neste campo a través da película “Most Lilkely to Succed” .  Un centro no que se fomentan as competencias críticas fronte á pura  memorización-pasa-exames. Analiza a necesidade histórica da división de  materias durante a revolución industrial e o pouco senso que ten  empregar actualmente o mesmo sistema  (causando fracaso escolar, fracaso  laboral, fracaso emocional…). O filme gravouse ao longo dun curso académico e remata co conflito entre a satisfacción do alumnado e  familias pola aprendizaxe e evolución visible vs a preocupación pola  proba de acceso á universidade nun sistema caduco e rancio como o  americano non tan distinto ao noso.

O venres pola mañá tocounos ir de obradoiros. No  primeiro deles participamos nunha interacción cunha cámara web chea de  posibilidades grazas á plataforma open source Open Frameworks,  que  alberga un feixe  de exemplos e traballos compartidos para que usemos  libremente  E é que a imaxe que capta unha cámara pódese descodificar e interpretar  de moitos xeitos dando a posibilidade de que o que vemos no ordenador  ou algún aparato conectado reaccione segundo o teñamos programado.

O segundo achegounos ao mundo da robótica con Arduino a través do Desafío Steam Un concurso que anima ao profesorado a traballar por proxectos integrando sobre todo tecnoloxía e programación (son horas).

Ao  longo da tarde continuamos coñecendo grandes iniciativas. Entre elas:   Ross Flatt, do Institute of Play falounos do xogo como eficaz ferramenta  para unha boa experiencia de aprendizaxe. Philippe Vignat deulle voltas  ao papel do profesorado hoxe en día e a cómo debería ser chamado:  xestor/a de proxectos ou mestre/a? 

arduino_uno_testO  sábado coñecemos a David Cuartielles, co-fundador de Arduino. Poucas  veces alguén tan apaixonado polo que fai logra explicarse dun xeito tan  accesible para as/os noveles na materia. Falounos do hardware libre. Rara avis no mundo empresarial, ten claro que o importante é facer medrar a  innovación dentro do ecosistema Arduino e para iso é preciso permitir  que outras empresas poidan desenvolver, fabricar e distribuír as súas  placas orixinais ou modificadas.

Tamén  estaba convidada a directora de desenvolvemento curricular de Finlandia, país que recentemente acaba de dar prioridade a un enfoque  interdisciplinario do ensino co obxectivo de fortalecer o papel activo  dos alumnos e fomentar o pracer de aprender. Non querendo dicir que o sistema  educativo finés, tan recoñecido a nivel internacional, fose o máis axeitado ao noso contexto. Hai que  facer algo adaptado, claro está. Pero de novo falamos de traballos por proxectos,  inter e multidisciplinarios, onde se fomente a creatividade e espírito  crítico que, sen dúbida, encaixan moito mellor nos tempos de hoxe en  comparación con este ensino rancio e bulímico (aprender, vomitar e  esquecer) tal como lle oín dicir a María Acaso fai anos.

Deixa unha resposta

O teu enderezo electrónico non se publicará Os campos obrigatorios están marcados con *

*

Podes utilizar estas etiquetas e atributos HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>