Page Loader




VALORANDO PINGUEIRA

Como sabedes o Encontro Pingueira,  da man de Nova Escola Galega, naceu co gallo de conformar unha comunidade de aprendizaxe e así vencellar a profesorado, a investigadorxs, a alumnado e a familias e reflexionar sobre liñas estratéxicas en educomunicación. Tratouse dun encontro de carácter transdisciplinar que pretendía adaptarse ás particularidades do territorio de onde xorde, marcadamente rural. Estivo composto por conferencias, mesas redondas, estudos de caso e dinámicas de grupo e contou coa participación entre outrxs de Irene Lapuente, Deborah G. Bello, Tucho Méndez ou Rita González.

 

17Esta primeira edición artellouse en torno á liña estratéxica da educomunicación na intersección coa tecnociencia. Chantada, na provincia de Lugo, foi o lugar escollido para este primeiro encontro, que tamén se estendeu a outros puntos da Ribeira Sacra. O principal obxectivo deste encontro foi facilitar ferramentas que axudasen á dinamización da nosa cultura audiovisual, dixital e en liña a través do empoderamento tecnolóxico desta comunidade entendida nun sentido amplo, valorizando os coñecementos locais e facilitando a interacción entre xeracións.

As liñas de investigación foron a educomunicación e tecnociencia, a interdisciplinariedade ACTS (artes + ciencias + tecnoloxías e sociedade), os sistemas de co-aprendizaxe, afondando na educación en contexto (ruralidades) e a transmisión interxeneracional do patrimonio mediante estratexias con TIC.

Tivo como  participantes a profesorado activo de Primaria e Se37cundaria, a profesionais da educación en situación de desemprego, a profesionais da comunicación, tecnociencia e a persoal investigador do ámbito universitario, museístico ou independente, así como colectivos, movementos sociais e otros axentes. Participaron unhas 60 persoas máis 15 ponentes, das que 34 foron profesorado en activo de distintos níveis educativos. O programa foi extenso e desenvolveuse entre conferencias, táboas redondas, estudos de caso, dinámicas e saídas de campo.

A nosa valoración do Encontro é positiva, cremos que se cumpliron os obxectivos a nivel contidos e metodoloxías, e que tanto ponentes coma o resto de participantes deron o máximo da súa parte pra que todo estivese ótimo. Porén non podemos deixar de sinalar que a celeridade coa que tivemos que organizar o Encontro fixo que quedasen aspects de produción, de comunicación, e de documentación por cubrir. Aínda que contamos con grandes colaboradorxs coma o Ecomuseo de Arxeríz, a comunidade educativa do Ies Val do Asma e xs compas de Pinancho Audiovisual e Televinte, articular un encontro tal entre as tres persoas que actualmente traballamos de xeito máis activo en Airoá foi complexo.

4Antes de rematar as xornadas, cada asistente cumprimentou unha enquisa de avaliación na cal reflectiu a súa percepción de cada un dos aspectos da actividade. Neste documento solicitouse a súa valoración en canto á organización do encontro, a calidade das presentacións, a duración, o interese  e aproveitamento entre outros.
Unha vez recollidos os datos, procedeuse a unha análise da información recollida que será devolta ás persoas participantes en forma de artigo no sitio web do Encontro. Os datos que se poden tirar das opinións dos asistentes amosan o cumprimento dos obxectivos previstos e a satisfacción por teren participado na actividade tal como vemos a través da análiste cuestión a cuestión. A continuación deixamos o parecer dxs participantes.

40“Deixar máis tempo para a posta en común” “Moi positivo as experiencias da xente nova” “Tratamento da  integral da mellora educativa” “Unha visión da tecnoloxía ó servizo das aprendizaxes” “Estaría ben que os títulos fosen menos sofisticados e se evitasen anglicismos” “Experiencia moi enriquecedora para un enriquecemento persoal e profesional” “Agardando que sexa a primeira pinga de moitas. Vémonos o ano que vén” “Por moitas pingueiras máis, que haxa máis pingueiras” “Encontro fermoso que me aportou novas visións e coñecementos” “Que se recree moitas veces”
avaliacion_pingueira

Lastra de Nova Escola Galega sinalou que o máis probable era que esta Pingueira deviñese en FERVENZA. Non sabemos se isto vai chegar a acontecer, mais dende Airoá continuaremos a poñer, pinga a pinga, a nosa enerxía para que isto suceda. Precisamos as vosas!

Deixa unha resposta

O teu enderezo electrónico non se publicará Os campos obrigatorios están marcados con *

*

Podes utilizar estas etiquetas e atributos HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>