MONTAMOS PINGUEIRA
O 23 e o 24 de setembro estamos a organizar en Chantada Pingueira #1 Educomunicación e tecnociencia.
Este encontro impulsado da man de Nova Escola Galega busca conformar unha comunidade de aprendizaxe que vencelle a profesorado, personal investigador, alumnado e familias para conxuntamente reflexionar sobre liñas estratéxicas en educomunicación.
O principal obxectivo deste encontro é facilitar ferramentas que axuden á dinamización da nosa cultura audiovisual, dixital e en liña a través do empoderamento tecnolóxico desta comunidade entendida nun sentido amplo valorizando os coñecementos locais e facilitando a interacción entre xeracións. Esta primeira edición artéllase en torno á liña estratéxica da educomunicación na intersección coa tecnociencia.
Está composto por un obradoiro para o alumnado de secundaria sobre remistura videográfica a tempo real e unhas xornadas, compostas por conferencias, mesas redondas, estudos de caso e dinámicas grupais. Trátase dun encontro de carácter transdisciplinar que se adapta ás particularidades do territorio de onde se inscribe, marcadamente rural. Chantada, na provincia de Lugo e Arxeríz en O Saviñao serán os lugares escollidos para este primeiro encontro, que tamén se estende a outros puntos da Ribeira Sacra.
Abrimos o prazo de inscrición! E a quén apelamos? pois a un amplo abano de perfís!
- Comunidade educativa: profesorado, alumnado e familias.
- Profesionais da educación, comunicación, tecnociencia e creación contemporánea.
- Persoal investigador do ámbito universitario, museístico ou independente.
- Movementos sociais e axentes sociais diversos.
- Persoas en xeral que estean interesadas en reflexionar sobre estes eixos epistemolóxicos
- Se cres que podes aportar e tes ganas e aprender connosco tes toda a info para te inscribir neste link.
Toda a info na súa web